Доделени наградите за карикатура на фестивалот „Ин Виница веритас“

Виница, 9 октомври 2015 (МИА) - На конкурсот на тема „Светот е мал“ што го распиша Домот на културата „Тошо Арсов“ од Виница во рамките на одржувањето на мегународниот фестивал „Ин Виница веритас“ пристигнаа 320 карикатури од 47 држави од светот.

Жири комисијата во состав: Блаже Докулевски, карикатурист,  претстедател на  жирито од Македонија, Ивајло Цветков карикатирист од Бугарија и Саша Димитриевиќ, карикатурист од Србија, ги соопштија авторите на најдобрите карикатури, а доделија и посебни диломи за пофалени карикатрури.

Првата награда за најдобра кариукатура ја доби карикатуристот Махмод Азаднија од Иран, втората му припадна на Раул Алфонско Гонзалес карикатурист од Колумбија, а третата награда на карикатуриостот Георге Ликурици од Романија.

Специјални пофалби добија карикатуристите Галум Боранбајев од Казахстан, Јордан поп Илиев од Македонија, Константин Кајанчев од Украина, Махмудијан Ешонкулов од Узбекостан и Пауло Делпонте од Италија.

Наградите  на карикатуристи ке бидат доделни на отворањето на фестивалот кое ке се одржи на 19 октомври во Сината сала на општина Виница.