СДСМ бара да се расправа за загдувањето на воздухот на 74. седницаСкопје, 24 ноември 2015 (МИА) - Пратеничката група на СДСМ и коалицијата поднесе „Информација за енормното загадување на амбиентниот воздух во Република Македонија“ до претседателот на Собранието и бара да се разгледа на 74-та седница на Собранието.
- Бараме итно да се преземат ефикасни мерки во спречувањето на загадувањето на воздухот што се однесуваат на работата на енергетските постројки, индустриските капацитети, управувањето со отпадот во земјоделието, рече денеска на прес-конференција пратеникот Васко Ковачевски.
Грејната сезона во Скопје, Битола, Тетово, Кичево, Кавадарци граѓаните ја дочекаа со екстремно загаден воздух во кој се измерени и до 1.000 микрограми на кубен метар ПМ10 честички. Овие честички СЗО ги прогласи за канцерогени и главни причинители на белодробни и кардиолошки заболувања.
Тој истакна дека ја следат состојбата со загадување на воздухот во повеќе градови и алармираат на сериозните последици.
Посочи на податоци на Светска банка дека во Македонија годишно умираат 1350 луѓе како последица на загадениот воздух и рече дека тоа е резултат на погрешните политики на Владата.
|