Во Кичево се одржа работилница за перспективите и приоритетите на граѓанското општествоКичево, 26 ноември 2015 (МИА) - Во Кичево денеска се одржа работилница за перспективите и приоритетите на граѓанското општество во организација на Центарот за развој на заедниците подржана од ОБСЕ.
Координаторот на овој проект Исмет Балажи истакна дека целта на оваа работилница е да го поттикне граѓанскиот сектор за да има поголемо влијание во одлуките во самото општество каде што живее.
- Ние веќе имавме едно мошне добро искуство како граѓански сектор, кога го организиравме Денот на мултикултурализмот во Кичево кога имаше солидна посветеност и беше подржана од сите граѓани на Кичево без исклучок. Токму целта и на оваа работилница е како граѓанското општество може да ја поддржи општината во идентификувањето на приоритетите, рече Балажи.
На работилницата се зборуваше и за стратегијата која ќе донесе уште подобра соработка со локалните власти во Кичево.
|