Магла во тетовско, видливост од 50 до 100 метри

Скопје, 29 ноември 2015 (МИА) - Магла со видливост од 50 до 100 метри има во околината на Тетово, информираат од Автомото сојузот на Македонија.

Сообраќајот на патиштата во Македонија се одвива без забрани и по влажни коловози.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово, Демир Капија – Удово, Кочани – Делчево и Виница – Берово, каде е можна почеста појава на одрони.

Интензитетот на сообраќај на патните правци надвор од градските средини е умерен.

На граничните премини од македонска страна нема подолги задржувања за влез и за излез од државата.