„Играј сигурно-СИДА стоп“ трибина на штипскиот универзитет „Гоце Делчев“Штип, 1 декември 2015 (МИА) - Универзитетот „Гоце Делчев“-Штип денеска за своите студенти одржа трибина „Играј сигурно- Сида стоп“ беше тема на денешната трибина што се одржа на Универзитетот „Гоце Делчев“ во Штип, по повод 1 Декември - Ден за борба против ХИВ/СИДА.
Универзитетскиот професор Вело Марковски од Факултетот за Медицински науки, кој е и специјалист инфектолог истакна дека е потребно воведување на предмет сексуално образование во средните и основни училишта,како и едукација и на популацијата над 18годишна возраст.
-Мислам дека здравствените работници, но и медиумите издвојуваат многу простор за Сидата и мислам дека популацијата е информирана. Инаку неблагодарно е да се предвидува бројката на заболени со СИДА, затоа што се сметаше порано, а сега е изменето тоа дека на еден регистриран имаме многу повеќе кои не се регистрирани, вели Марковски.
Тој истакна дека според статистичките податоци на прво место во светот по регистрирани случаи на инфицирани од ХИВ и СИДА се хетеросексуалците, потоа доаѓаат хомосексуалците, а на последно интравениозните корисници на опијати.
Меѓу заболените во државата 50 отсто се на возраст од 15-24години.
Според податоците од Центарот за јавно здравје-Штип во првите шест месеци од годинава регистрирани се два нови случаи, од кои едниот со ХИВ вирус, а вториот случај со СИДА.
|