Кирацовски ja обвини Томовска Арсовска за притисок врз вработени

Скопје, 9 февруари 2016 (МИА) - Дополнителниот заменик министер за информатичко општество и администрација Александар Кирацовски денеска на прес-конференција ја обвини министерката за информатичко општество и администрација Марта Арсовска Томовска дека во текот на вчерашниот ден се обидела да изврши притисок врз административните службеници по, како што вели, неговите објави за намерата власта да казнува и брка од работа.

Додаде дека министерката противзаконски побарала од вработените во Министерството веднаш да запрат со доставување документи што ќе ги побарам тој или неговиот кабинет истакнувајќи притоа дека за неговите тврдења има и писмен доказ.

- И укажувам на министерката Арсовска Томовска дека ќе поднесам кривична пријава против неа, доколку веднаш не го повлече дописот. Министерката со овој допис, самата врши кривично дело, а на тоа ги наведува и вработените, истакна Кирацовски.

Притоа се повика и на Законот за Влада, во кој, како што рече, децидно е наведено дека дополнителниот заменик заменик министер има право на неограничен пристап до сите акти, документи и информации што му се на располагање на министерот.