Финансиска едукација за учениците од прво одделение во „Вудроу Вилсон“Тетово, 10 февруари 2016 (МИА) - Училиштето „Вудроу Вилсон“ прв пат во Македонија ќе воведе финасиска едукација за учениците од прво одделение. За таа намена ќе одвои кадар, опрема и простории за учениците, а Народната банка на Република Македонија и „Афлатун“ совети, обуки и материјали.
Тоа го овозможува денеска потпишаниот Меморандум за соработка со кој Народната банка на Република Македонија и „Афлатун“ се согласија во училиштето „Вудроу Вилсон“ да воведат пилот-програма за социјална и финансиска едукација од 1. одделение. Меморандумот беше поптишан во присуство на гувернерот на НБРМ, Димитар Богов, и директорот на Одборот на Училиштето Елита Маша.
Целта на воведувањето на социјалната и финансиската едукација преку „Афлатун“ е да се зајакнат вештините и потенцијалот кај децата од рана возраст за подобрување на светот, преку нивното финансиско описменување.
Во иднина, се планира резултатите од Проектот да се презентираат пред Бирото за развој на образованието и другите училишта во земјата, со цел да се зголемат влијанието и интересот за воведување на оваа програма и во другите училишта низ Република Македонија.
|