Се чистат земјените канали и вади за наводнување во Кочанско

Кочани, 10 февруари 2016 (МИА) - Водостопанство „Брегалница“ од Кочани започна со чистењето на земјените канали и вади за наводнување кои се дел од Хидросистемот  „Брегалница“.
 
- За почеток се вклучени две машини од кои едната е во атарот на Оризари, а втората во Чешиново. Во наредните денови ќе се пристапи кон чистење и на земјените канали и вади во Прибачевско,Чифличко и Облешевско,изјави Николчо Гоцев, директор на Водостопанство Брегалница од Кочани.
 
Ангажирањето на механизацијата е одговор на барањата на градоначалниците од регионот, навреме да се исчистат каналите и вадите пред почетокот на наводнителната сезона која е закажана за 15 април.
 
Годинава под ориз во државата ќе бидат насеани 5.000 хектари, што е за 700 ха повеќе во споредба од минатата година.