СДСМ: Уште еднаш се докажа потребата од реформи во медиумитеСкопје, 11 февруари 2016 (МИА) - СДСМ денеска осврнувајќи се на вчерашното интервју на лидерот на партијата Зоран Заев на телевизија „Сител“ оцени дека уште еднаш се докажало оти се потребни темелни реформи во медиумите како услов за фер и демократски избори.
Според Роберт Поповски, кој е дел од преговарачкиот тим на СДСМ за регулација на медиумите, вчерашното интервју кое го водел главниот и одговорен уредник на Сител телевизија Драган Павловиќ - Латас укажува на потребата од реформи во медиумите.
- Вчерашниот телевизиски производ полн со клевети, навреди, говор на омраза, примитивизам и расизам, уште еднаш ја докажа потребата од реформи во медиумите во Македонија. Не било какви, туку темелни реформи на медиумите, само тие се услов за фер и демократски избори, изјави Попоски.
Тој рече дека „главниот и одговорен уредник на Сител телевизија вчера го растурил планот на ВМРО ДПМНЕ да прикаже нормалност во медиумите и заложба за европски вредности“.
|