Претседателот на ДС во посета на бегалскиот камп во Гевгелија

Скопје, 11 февруари 2016 (МИА) - Претседателот на Демократскиот сојуз Павле Трајанов денеска ја посети граничната полиција на Граничниот премин 59 и бегалскиот камп при што разговараше со припадниците на полицијата и со другите државни институции и невладини организации.

Трајанов оцени дека полицијата, армијата и другите државни институции, како и невладините организации се добро организирани и успешно се справуваат со бегалците. 

Според него, Македонија може да се соочи со сериозни безбедносни ризици доколку се зголеми бројот на бегалци и нивната селекција за тоа кој може да транзитира низ нашата држава.

Тој истакна дека сите активности треба да се одвиваат во соработка со соседните држави, како и во содејство со Европската унија. - Македонија нема потреба да гради кампови за подолг престој на мигранти бидејќи тие не сакат да останат овде, се наведува во соопштението од ДС.