ГРОМ ќе поднесе претставка до Советот на јавни обвинители за Специјалното обвинителствоСкопје, 11 февруари 2016 (МИА) - Генералниот секретар на ГРОМ Виктор Цветковски најави дека до Советот на јавни обвинители ќе испрати претставка затоа што Специјалното јавно обвинителство отфрлило негова пријава што ја поднел за нарушена приватност против СДСМ и оти за тоа добил известување, а не решение.
Известувањето што било испратено до него, посочи Цветковски, е непознат правен акт во нашиот Закон за кривична постапка.
Пријавата, како што изјави Цветковски, првин била отфрлена од кумановското Основно јавно обвинителство, а со формирањето на Специјалното јавно обвинителство, овој предмет бил префрлен во надлежност на специјалната јавна обвинителка Катица Јанева, која, како што рече, оваа пријава ја отфрлила, со напомена до тужителот да гони по приватна тужба.
- Во кој правен поредок и кое обвинителство на поднесена кривична пријава се одговара со известување, а не со решение? Згора на се, во ова известување немате правна поука, и ми го скратувате со Устав гарантираното право на жалба, со што покажувате основно непознавање на законите. Ова е еклатантен доказ за двојството во пракса на кое укажуваше ГРОМ како политичка партија во изминатиот период, рече Цветкопвски.
|