Ликовни дела од колонијата „Карпино 2015“ во ВиницаВиница, 12 февруари 2016 (МИА) - Во Ликовниот салон на Домот на културата „Тошо Арсов“ во Виница денеска е отворена ликовна изложба на дела од меѓународната ликовна колонија „Карпино 2015“ од Куманово. На отворањето присуствуваше и уметничкиот раководител на колонијата Мирослав Величковски, кој зборуваше за значењето на колонијата и учеството на ликовни уметници од странство. - Досега на колонијата „Карпино“ учествуваа 150 уметници од Македонија но и од речиси сите балкански држави и пошироко од Европа,кои оставија ликовни дела кои се во трајна вредност на Колонијата.На минатогодишната колонија учествуваа уметници од Македонија Бугарија,Србија и Унгарија. .Во Виница се изложени 30 дела работени во повеке видови техники,истакна Величковски. Според Славко Данев, директор на Домот на културата со оваа изложба започнува ликовната сезона во Домот и општината. Според Данев се очекува во Виница да гостуваат и неколку реномирани ликовни уметници од Македонија како и ликовен уметник од Монголија.
|