Во Крива Паланка се одржа општински крос 2016Крива Паланка, 3 мај 2016, (МИА) - Во организација на Општинскиот сојуз на училишни спортови од Крива Паланка денеска на кривопаланечкиот градски стадион се одржа седмиот општинскиот крос натпревар. На натпреварот учествуваа околу 300 ученици од основните училишта „Илинден“ и „Јоаким Крчовски“ и средното општинско училиште „Ѓорче Петров“, Крива Паланка. Учениците беа поделени во шест категории, во секоја по две групи, машки и женски, а трчаа на петеки со различна должина, соодветни на возраста. Најмалите, трето и четврто-одделенците се наттрчуваа на 200 метри, а средношколците трчаа 800 метри. Покровител на општинскот крос е градоначалникот на општина Крива Паланка, Арсенчо Алексовски, кој им додели дипломи и медали на првопласираните три учесника во секоја од наведените категории.
|