Во Куманово шаховски турнир по повод Денот на полицијата Куманово, 6 мај 2016 (МИА) - Отсекот за превенција од СВР Куманово, денеска по повод Денот на полицијата - 7 Мај, организираше шаховски турнир кој се одржа во просториите на општинскиот Црвен Крст.
Припадници на кумановската полиција, АРМ, противпожарната единица, здружението на пензионерите, на армиските и полициските ветерани, регионалниот Центар за управување со кризи и Црвен крст, учествуваа на турнирот во шах кој има ревијален карактер.
- Станува збор за традиционална манифестација која се организира и оддржува во чест на Денот на полицијата, рече на отварањето на турнирот,Горан Манвески од отсекот за превенција од СВР Куманово.
Од страна на припадниците на СВР Куманово утрово беше положено цвеќе на вечните почивалишта на припадниците на МВР кои животот го загубија вршејќи ја својата должност. СВР Куманово, ја покрива територијата на општините,Куманово,Липково,Старо Нагоричане,Крива Паланка,Кратово и Ранковце.
|