СДСМ: Само целосно укинување на аболицијата е решение Скопје, 27 мај 2016 (МИА) - Опозициската СДСМ смета дека денешната одлука на претседателот Ѓорге Иванов за поништување на помилувањата на политичари е, како што наведува во реакцијата, ново кршење на Уставот на Република Македонија, што дополнително ја продлабочува политичка криза во земјава.
СДСМ истакнува дека „само целосно поништување на аболицијата е решение“.
- Аболицијата мора целосно да се поништи и законот да важи подеднакво за сите. Тоа единствено е возможно преку гласање за автентичното толкување на Законот за помилување во Парламентот, со поддршка на сите партии, се вели во реакцијата.
Иванов, стои во реакцијата, им направи услуга на политичарите од ВМРО-ДПМНЕ коишто не сакаат да се поништи аболицијата за нив. Им отвори Иванов пат да не мора да побараат укинување на аболицијата а сепак правна, вистинска, фактичка разврска да нема поради неуставноста на одлуката. Само целосно поништување на аболицијата е решение, стои во реакцијата од СДСМ.
|