ГРОМ: Иванов да ги деклaсифицира информациите за одлуката за аболицијаСкопје, 30 мај 2016 (МИА) - Граѓанската опција за Македонија (ГРОМ) денеска побара претседателот Ѓорге Иванов да ги декласифицира сите информации врз база на кои ја донел одлуката за аболиција.
- Со тоа, конечно граѓаните да ја дознаат вистината, кој што правел, со кој се договарал и соработувал, и со која цел ја предизвикал оваа криза, и како што повеќе пати има изјавено дека се вмешани странски служби, да излезе и пред јавноста да ги обелодени тие странски служби, бидејќи народот има целосно право да ја знае вистината, рече на прес-конференција претседателот ГРОМ Стевчо Јакимовски.
Навистина е недозволиво, додаде Јакимовски, еден народ, со прочистен избирачки список да нема право да оди на избори, и да ги избере своите легитимни претставници, а од друга страна да нема право да ја дознае целата вистина, за тоа кој му ја подготвувал оваа политичка криза.
Претседателот на ГРОМ на прес-конференција наглaси и дека целосно ја поддржува изјавата на претседателот на Иванов дадена на Форумот во Сараево, со која, како што наведе, потенцираше дека Македонија е заложник на политиките на меѓународната заедница, и оти со 17 исполнети акциски планови за членство во НАТО станува земја рекордер, која со завршени обврски се уште не е полноправна членка на НАТО.
|