Скопје, 24 јуни 2016 (МИА) - Претседателот на Република Македонија Ѓорѓе Иванов денеска ќе го посети Министерството за внатрешни работи, каде што ќе се сретне со министерот Митко Чавков.
На средбата ќе присуствуваат и директорите на Бирото за јавна безбедност и на Управата за безбедност и контраразузнавање, Горанчо Савовски и Љупчо Андоновски.
Претседателот Иванов, како што е предвидено, заедно со министерот Чавков и потесниот колегиум ќе одржи состаноци со колегиумите на Јавна безбедност и Управата за безбедност и контраразузнавање.