Концерт на дуото „Еквилибриум“ во ГевгелијаГевгелија, 29 јуни 2016 (МИА) - Дуото ,,Еквилибриум“ што го сочинуваат пијанистките Магдица Димитровска и Александра Стојкова од Скопје, вечер пред гевгелиската публика ќе се претстави со концерт на сериозна музика на кој ќе бидат изведени дела од Моцарт, Дебиси и Брамс.
Магдица Димитровска завршила Факултет за музичка уметност на отсекот пијано во класата на проф.Зоран Пехчевски каде и магитрирала во 2011 година. Александра Стојкова, пак, е вработена како професор по пијано во Државниот музичко-балетски училишен центар, „Илија Николовски-Луј“, каде што работи со ученици од најмалата возраст.
Концертот е во организација на фондацијата ,,Аполонија“ со почеток во 20 часот и 30 минути.
|