„Топол културен бран“ во Крива Паланка

Крива Паланка, 23 јули (МИА) - Со целовечерениот концерт на КУД „Фолклористи“, во Крива Паланка синоќа почна манифестацијата „Топол културен бран“.
 
„Македонско девојче“, „Источна“, „Шопка“, “Пирин“, беа само дел од кореографиите со кои се претсатвија играорците од сите шест асамбли на КУД „Фолклористи“. Програмата беше збогатена со песни од стилизираниот мелос и песни од изворниот фолклор.
 
- На „Топол културен бран“ ќе има манифестации за сите категории граѓани, од деца до највозрасни. „Лирски треперења“, неколку театарски претстави, други фолклорни феставали, изложби на фотографии,... Истотака, се подготвуваме и за Џојфест, каде оваа година ќе настапат Ван Гог и Ареа. Во програмата е и Меѓународниот театарски фестивал, а овогодишен лауреат е актерката и директорка на театарот „Комедија“ Јелена Жугиќ, изјави градоначалникот на Крива Паланка Арсенчо Алексовски.
  
Манифестацијата „Топол културен бран“ е финансирана од Министерството за култура и општина Крива Паланка.