Седница на ДИКСкопје, 25 јули 2016 (МИА) - Државната изборна комисија (ДИК) за денеска во 15:30 часот закажа седница на која на дневен ред се повеќе точки кои произлегоа од измените на Изборниот законик, донесени во петокот врз основа на договорот на претставниците на политичките партии постигнат минатата недела.
На дневен ред се Упатство за постапување по поднесени пријави на граѓаните чии записи во Избирачкиот список по спроведените административни и теренски проверки се спорни записи, односно за кои има несовпаѓање на податоците за граѓаните предмет на проверки во Избирачкиот список, заклучок за објавување на списокот на спорните записи на веб страницата на ДИК, Јавен повик и образец односно пријава за пријавување на лицата, Информација од ИТ секторот за состојба со гласачите чиј што список треба да биде објавен на веб - страницата на ДИК, Одлука за отворање канцеларии на ДИК во седиштата на единиците на локалната самоуправа каде ќе се спроведува пријавувањето, Заклучок за писмено обраќање по пошта до граѓаните чии записи во Избирачкиот список по спроведените административни и теренски проверки се спорни записи, односно за кои има несовпаѓање на податоците за граѓаните предмет на проверки во Избирачкиот список, Кодекс за набљудување на процесот за пријавување граѓани чии податоци во избирачкиот список по спроведените административни и теренски проверки се утврдени како спорни односно за кои има несовпаѓање на податоците за граѓаните предмет на проверки во избирачкиот список и Заклучок за писмено обраќање до политичките партии за номинирање на набљудувачи.
|