Жерновски даде исказ во СЈО за проектот „Скопје 2014“Скопје, 26 јули 2016 (МИА) - Градоначалникот на општина Центар, Андреј Жерновски денеска даде исказ во Специјалното Јавно Обвинителство во врска со проектот „Скопје 2014“ и предаде два ревизорски извештаи направени за проектот.
Веднаш по доаѓањето на функцијата градоначалник на општина Центар, Жерновски, како што рече, дал налог да се изврши ревизија на проектот, по што, информира, се изготвени два ревизорски извештаи и тоа првиот во август 2013 година, кој веднаш бил предаден во Јавното Обвинителство.
- Конечно, овие наши ревизорски извештаи се во вистинските раце и очекуваме правдата да излезе на површина. „Скопје 2014“ од првично најавените 80 милиони евра, чини 8 пати повеќе или околу 640 милиони евра, изјави меѓу другото Жерновски.
|