Промовиран романот „Единствена љубена“ од Вангелко ЛозаноскиКрива Паланка, 28 јули 2016 (МИА) – Во рамки на „Кривопаланечко културно лето“ денеска во Локалната установа Градски музеј, Крива Паланка беше промовиран романот на Вангелко Лозаноски, „Единствена љубена“.
Ова е прва романескна форма на професорот Лозаноски кој потекнува од Демир Хисар.
- Во книгата се говори за љубовта, за онаа кон мојата сакана, единствена љубена, но и љубовта кон единствената земја-мајка, татковината, истакна на промоцијата авторот Лозаноски.
Лозаноски е претседател на Здружението на љубители на македонската литература, култура и наука. Автор е на неколку стручни трудови од областа на литературата и историјата, како и на две драми, неколку поеми и стихозирки.
Културната понуда за Паланчани продолжува со концерт на Скопскиот дувачки квинтет, кој ќе се одржи утре на плоштадот Карпошово востание, со почеток во 20 часот, во рамки на манифестацијата „Топол културен бран“ 2016.
|