Изложба на архивски документи во патнички воз по повод 25 години независност

Скопје, 29 јули 2016 (МИА) - „Патување кон независноста“ е насловена патувачката изложба која по повод 25 години независност на Република Македонија ја организира Државниот архив во соработка со Македонски железници - транспорт а.д.  

Значајни документи и фотографии што се чуваат во депото на Архивот ќе бидат изложени во патничкиот воз кој сообраќа на релација Скопје - Битола - Скопје. Промотивното патување е денеска од Железничката станица во Скопје во 14 часот, а брендираната гарнитура ќе сообраќа на оваа релација до 8 Септември - Денот на независноста на Република Македонија. 

- Материјалите кои ќе бидат прикажани го опфаќаат периодот од 1903 до 1991 година, со што покрај Референдумот од 8 септември се одбележуваат и јубилеите на Илинденското востание, Крушевската Република и АСНОМ, соопшти Државниот архив на РМ.