Исчистена дивата депонија кај Трајаново трло во Кочани

Кочани, 29 јули 2016 (МИА) - Механизација од КЈП„Водовод“ во соработка со општина Кочани денеска спроведе акција за чистење на дивата депонија од градежен шут и смет кај населбата Трајаново трло.

Од Одделението за комунални работи на општина Кочани истакнуваат дека депонијата е стара 11 години и на неа несовесните граѓани најчесто во ноќните часови непречено депонираат шут и друг вид на одпад. Реакцијата на граѓаните за еколошки загадената околина конечно се реализира и деопонијата сега е исчистена и подготвена на нејзино место да никне парк со зеленило.

Инаку од Одделението за за комунални дејности истакнуваат дека комунален и градежен шут се собира на градската депонија над селото Бели на патот кон Пониква. За несовесните граѓани кои ја загадуваат животната средина од општината најавуваат казнени санкции.