Реакција на АВМУ на соопштението на СДСМ за ад хок комиисијата

Скопје, 25 август 2016 (МИА) – Агенцијата за аудио и аудиовизуелни медиумски услуги (АВМУ) преку соопштение реагира на ставовите изнесени од СДСМ во врска со изборото на петиот челн на ад хок комиисијата за мониторинг на изборното медиумско известување.

АВМУ бара од партиите да престанат со волунтаристички оценки за стручноста на регулаторното тело.

- Стручната служба на Агенцијата секогаш свесно, објективно и непристрасно ги спроведувала мониторингот на изборното известување, како и другите надзори, според методологии усогласени со светските правила и практики. Всушност, токму договорот меѓу четирите партии со кој се формира Привремената комисија, претставува директен упад во независноста на регулаторното тело, стои во соопштението.

Стручноста и компетентноста на Агенцијата, се подвлекува, секој може да ја процени преку извештаите од мониторинзите достапни на нашата веб страница vvv.avmu.mk.

Во соопштението се апелира Агенцијата да не се вовлекува во меѓупартиски препукувања.