Обезбедени 4 нови машини за работа во јама во РОЦ Саса

Македонска Каменица, 30 август 2016 (МИА) - Нова инвестиција во јамска опрема во РОЦ Саса во вредност од 1, 1 милион евра, најави Максим Прохоров, директор за развој и инвестиции во рудникот.
 
Според Прохоров, обебзедени се четири нови машини за работа во јама.
 
- Со цел одржување на капацитетот на производството, како и зголемена ефикасност на работа и поголема бебзедност, рудникот Саса во 2016 година продолжува  со реализација на програмата за набавка на нова јамска опрема како дел од капитални инвестиции.  Обезбедивме  машина за јамско товарање, јамски камион за транспорт на руда, машина за бушење  и помошна машина од фирмата Бобкат, како и две теренски возила со кои ќе се врши достава на експлозив и на друг потребен материјал до секое работно место, рече Прохоров. 
 
Тој додаде дека оваа годинава во Саса се планирани инвестиции во висина од 9,9 милиони евра, а во моментов се работи на изградба на новото јаловиште. Капацитетот на јаловиштето ќе биде од 4 милиони метри кубни флотациска јаловина.