Во Штип инфо ден на Националната агенција за европски образовни програми и мобилностШтип, 28 септември 2016 (МИА) - Националната агенција за европски образовни програми и мобилност денеска во Штип организираше Инфо ден за Програмата Ерзмус плус, со која ќе можат да аплицираат и да добијат европските средства за проекти со училишта од други земји или наставниците да си до усовршат своето образование и да стекнат нови знаења.
Соња Николова од Одделението за образование во Општина Штип информира дека на денешниот Инфо ден присуствувале наставници и претставници од петте основни, четирите средни училишта и од детските градинки со цел да слушнат и да бидат информирани за можностите кои им ги дава Програмата Еразмус плус.
- Целта ни е да се запознаат сите субјекти што можат да аплицираат на ваквите програми, односно оваа насловена на Еразмус плус, а која што предвидува убава финасиска поддршка. Станува збор за Програма во износ од седум милиони евра, за разлика од 2016 година, кога фиансиската поддршка на проектите изнесуваше 4.500.000 евра, вели Николова.
Таа истакна дека на денешниот Инфо ден на Националната агенција за европски образовни програми и мобилност своја презентација имаа и Советот на млади на Општина Штип, кои досега имаат реализирано неколку проекти токму преку Еразмус плус програмата.
- Наставниците и училиштата во рамки на оваа програма ќе можат да аплицираат за добивање грантови за унапредување и професионален развој на наставниците, за што и ние како одделение сме многу заинтересирани да им дадеме една целосна поддршка на основните и средните училишта и наставниците и вториот дел се наменети за средства за стратешко партнерство, каде што ќе има едно училиште од градот, а на пример ќе се поврзи со две училишта од други земји, појасни Николова.
Националната агенција за европски образовни програми и мобилност вакви Инфо денови за Програмата Еразмус плус ќе организира и во други општини во земјава.
|