Министерот за внатрешни работи Оливер Спасовски синоќа на прес конференција рече дека истражителот на Специјалното јавно обвинителство бил уапсен откако фотографирал објект на поранешниот директор на Управата за безбедност и контраразузнавање, Сашо Мијалков.
Тој додаде дека истражителот бил повикан на информативен разговор во полициската станица Беко, откако го забележало обезбедувањето на Мијалков, по што бил повикан по насоки на Јавното обвинителство.
- Истражителот на СЈО кој беше во полициската станица Беко, бил забележан како фотографира објект на поранешниот директор на УБК Сашо Мијалков. Бил повикан на разговор во станицата Беко каде е направен првичен разговор, понатаму е најавено во Јавното обвинителство и по насока на јавниот обвинител е побарана негова изјава и целиот предмет е предаден во Јавното обвинителство а истражителот е пуштен, рече Спасовски.
Тој додаде дека СЈО има целосна поддршка од МВР и дека опремата што се наоѓа во зградата ќе биде обезбедена од страна на МВР и видео надзорот.