178.bmp)
Коалицијата за промени и правда на средба утврдила Предлог програма за претстојните парламентарни избори и формирала Централен изборен штаб, со кој ќе раководи Драгана Букилица.
Од Коалицијата, која ја сочинуваат Демократски сојуз, ФРОДЕМ, ДЕМОС и МОРО-работничка партија, денеска соопштија дека се определиле за позитивна предизборна кампања и оти ќе дадат придонес за создавање услови за фер, демократски и кредибилни избори.
На средбата е договорено да се забрзаат сите активности околу претстојните избори и да започне постапката за предлагање кандидати за пратеници.
Коалицијата соопшти дека остануваат отворени за соработка за окрупнување, но, како што нагласуваат, на принципиелни програмски определби: за системски промени и одговорност за креаторите на кризата, борба против корупцијата и долгорочна стабилизација на државата.