Митинг на СДСМ во Кисела Вода

Скопје, 22 ноември 2016 (МИА) - Претседателот на СДСМ Зоран Заев вечерва се обрати на митинг во скопската општина Кисела Вода. Пред присутните граѓани, Заев ги претстави, како што рече, темелите на Планот на СДСМ и коалицијата „За живот во Македонија“.

- Време е за крик, да не молчиме, да излеземе во редици и да кажеме „Ова е наша земја, за нашиот живот се работи“. Ајде заедно со нас да им покажеме на сите дека ако се сака се може. Заокружете 4 и изберете живот во Македонија! , повика Заев. 

Тој посебно се обрати до оние кои на анкетите не се изјаснуваат за кого ќе гласаат.

- Разбудено е Скопје, водиме со двоцифрена разлика. Повеќе од 32 процента се уште молчат, не се изјаснуваат. Оваа Македонија не е само на нас. Македонија е на сите подеднакво. Ова е наша заедничка татковина, немаме друга. Пенкалото на животот на вашите деца, пенкалото на вашиот живот е во ваши раце, рече претседателот Заев.