Скопје, 23 ноември 2016 (МИА) - Македонската енергетска асоцијација (МЕА) при Стопанската комора на Македонија во соработка со Проектот на УСАИД за индустриски менаџмент денеска организира тркалезна маса на тема „Зголемување на конкурентноста на индустриските компании преку континуирано подобрување на управувањето со потрошувачката на енергија“.
Главна цел на настанот е на едно место да се соберат сите заинтересирани страни од јавниот, приватниот и невладиниот сектор пред кои ќе се презентираат реализираните активности и резултати на Проектот на УСАИД.