Скопје, 6 декември 2016 (МИА) - Радмила Шекеринска, заменик претседателка на СДСМ и носителка на кандидатската листа на СДСМ и коалицијата во ИЕ 5 денеска во Демир Хисар ја презентираше изборната програма на партијата.
Според неа, сиромаштија е проблем број еден кој мора да биде приоритет на државата, на институциите, на администрацијата и посочи дека во нивниот План за живот во Македонија имаат посебна Програма со мерки за семејствата коишто живеат во најлоши услови.
- За секое четиричлено семејство коешто нема никаков приход, државата ќе обезбеди 12.000 денари финансиска поддршка. Доколку приходот во семејството по различни основи е на пример 6.000 денари тогаш државата ќе додаде дополнителни 6.000 денари за во секое семејство да влегуваат најмалку 12.000 денари. На тој начин ќе ја намалиме сиромаштијата во Република Македонија, рече Шекеринска и побара поддршка од граѓаните на претстојните избори.