Премиерот Димитриев и вицепремиерот Пешевски остварија средба со претставници на „Југохром“Скопје, 16 јануари 2017 (МИА) - Претседателот на Владата Емил Димитриев и вицепремиерот Владимир Пешевски денеска остварија средба со претставници на синдикатот и на менаџерскиот тим на компанијата „Југохром“ на која беше разгледана актуелната состојба во која се наоѓа оваа компанија. Средбата, како што соопшти владината прес-служба, е оценета како конструктивна од двете страни. Од страна на Владата е оценето дека во решавањето на ситуацијата треба да се земат предвид интересите на вработените и на компанијата, како и интересите за почитување на еколошките стандарди. - Владата смета дека постои можност, простор и зона на прифатливост за усогласување на овие три интереси, без ниту еден интерес да наштети на другите интереси. Деталите и опциите за усогласување на трите интереси квалитетно би можеле да се разработат од страна на политичката Влада. Постоечката Влада во рамките на своите ингеренции ќе продолжи да има полно внимание на оваа тема, и останува отворена за дискусија со сите заинтересирани страни, се наведува во соопштението од Владата.
|