Во Куманово по 15-ти пат ќе се одржи манифестацијата „Пивтијада“Куманово, 17 јануари 2017 (МИА) - Здружението на граѓани Мултимедијален центар „Карпино“ и оваа година по повод големиот христијански празник Водици, по 15-ти пат ја организира традиционалната манифестација „Пивтијада“ на која ќе учествуваат петнаесет домаќинки, соопштија денеска од здружението. Манифестацијата ќе се одржи во населбата „Карпош“ со почеток во 12 часот. Направените пивтии ќе ги оценува стручно жири, а најдобрите ќе добијат пригодни подароци. Организаторите ги повикаа сите домаќинки кои сметаат дека направиле добри пивтии да дојдат половина час пред почетокот и да се приклучат во натпреварувањето. - Традиционално манифестацијата опфаќа три дела: натпреварувачки, црковно-религозен и културно- забавен. Секоја година имаме голем број заинтересирани, а очекуваме и годинава да се пријават за учество голем број домаќинки, изјави претседателот на здружението, Зоран Павловски. Додаде дека ќе бидат подготвени над 500 пивтии, а дел од нив ќе бидат донирани на Дневниот центар за лица со интелектуална попреченост.
|