Росоман, 9 февруари 2017 (МИА) - По три илјади денари надомест за секое првороденче во општина Росоман. Одлуката ја донесоа советниците во Советот на општина Росоман на последната седница, информира денеска градоначалникот Стојанче Лазов.
- Заклучно со јануари оваа година за сите првороденчиња општината исплаќаше по 1.500 денари, а со последното решение сумата е удвоена. Целта е да се стимулира наталитетот во општината. Одлуката е донесена едногласно од страна на советниците во Советот, истакна Лазов.
Тој додаде дека годишно во Росоман се раѓаат од 40 до 60 новороденчиња.