Министерот Лутфиу се сретна со директорот на ИАЕА, ЖангСкопје, 22 февруари 2017 (МИА) - Министерот за образование и наука Пиштар Лутфиу денеска се сретна со техничкиот директор на Меѓународната агенција за атомска енергија со седиште во Виена (ИАЕА), Јинг Жанг. Од МОН соопштија дека на средбата Лутфиу и Жанг разговарале за соработката меѓу ИАЕА и Владата на Република Македонија, при што министерот му се заблагодарил на директорот за досегашната финансиска поддршка за реализирање на проектите од областа на развојот на човечките ресурси и за инфраструктурните проекти во областа на нуклеарната заштита и безбедност. Министерот Лутфиу изразил благодарност до директорот и за поддршката на четири нови проекти од Република Македонија кои исто така се наоѓаат во листата на финансиска поддршка за 2018-2019 година. Проектите кои ќе бидат финансирани, наведуваат од МОН, се од областа на нуклеарната медицина и од областа на животната средина и радиоактивното следење.
|