СДСМ: Миноски да го објасни најавеното ново задолжување од 4,1 милион евра

Скопје, 22 март 2017 (МИА) - СДСМ преку соопштение денеска побара објаснување од министерот за финансии Кирил Миноски за најавеното ново задолжување од 4,1 милион евра.
- Најавеното задолжување од 4,1 милион евра доаѓа само ден откако Министерството за финансии реализираше аукција за подмирување на доспеаните обврски. Најавена е нова аукција за вторник, со која што се побаруваат нови 4.1 милиони евра, иако следната недела според календарот на доспеани хартии од вредност, не стасуваат долгови за враќање, се наведува во соопштението на СДСМ.
Нетранспарентните и неконтролирани задолжувања, како што се наведува во соопштението, на товар на граѓаните и идните генерации се уште една причина зошто мора итно и брзо да се формира новата влада.