Скопје, 10 април 2017 (МИА) - СДСМ денеска во соопштение истакна дека институциите се должни да овозможат мирен трансфре на власта и да не подлегнуваат на насилни сценарија.
Според СДСМ, многу брзо ќе биде избран нов претседател на Собранието, а потоа и нова влада на граѓаните на унитарна Македонија, согласно Деловникот, Уставот и законите во државава.
- Одлуката е на 700.000 граѓани изразенa на кредибилни избори, преточена во 67 пратенички мандати на парламентарното мнозинство, кое има право, но и должност да ги избере новиот собраниски претседател и новата Влада, наведува СДСМ.
Дополнува дека претседателот на ВМРО-ДПМНЕ „не смее да се заканува со насилство и оти граѓаните се фактор, избрале заедништво, правда и промени и тие ќе се случат“.
- Укажуваме на институциите и на вработение во нив, дека има ново парламентарно мнозинство и дека се должни да ги овозможат демократските процеси согласно мнозинската волја на граѓаните од изборите, се вели во соопштението.