Велигденски хепенинг по седми пат во РесенСкопје, 13 април 2017 (МИА) - По седми пат во Ресен, традиционално на Велики четврток, ќе се одржи Велигденскиот хепенинг, во организација на Домот на културата „Драги Тозија“ и Општина Ресен.
На градскиот плоштад ќе бидат поставени голем број штандови, на кои посетителите ќе може да купат од изложените производи, најмладите да цртаат и да се забавуваат, да ги лепат своите пораки на големо движечко велигденско јајце, односно артист маскиран во велигденско јајце.
Манифестацијата ќе биде збогатена со културна програма на која ќе настапат солисти од детскиот хор „Ѕвончиња“ од Битола, во придружба на Андријана Думевска, како и дел од учесниците од фестивалот „Рибарче“.
|