Скопје, 23 април 2017 (МИА) - СДСМ денеска во соопштение посочува дека парламентарното мнозинство постапува мудро за да ги заштити државата и граѓаните и оти ќе ја реализираат мнозинската волја во разумен момент.
- Ги знаеме своите обврски и скоро ќе ја реализираме мнозинската волја на граѓаните, во разумен момент што ќе процениме дека нема да нанесе штети врз граѓаните и државата. Република Македонија ќе го добие новиот собраниски претседател и новата реформска влада, се вели во соопштението.
Според СДСМ, граѓаните и државата се во заложништво на раководството на ВМРО-ДПМНЕ кое ги блокира демократските процеси во државата и сака да предизвика тензии и насилства.
- Земјоделците се уште не ги добија субвенциите. Фирмите доцнат со исплата на плати. Министрите во заминување веќе четири месеци се со технички овластувања. Најзагрижувачки, за три недели Македонија ќе остане без градоначалници и советници, бидејки тогаш по закон престануват сите нивни овластувања, наведува СДСМ во соопштението