Одбележување на Светскиот ден на книгата и авторското право

Скопје, 24 април 2017 (МИА) - Националната Универзитетска библиотекла „Св. Климент Охридски“ - Скопје, денеска ќе го одбележи Светскиот ден на книгата и авторското право.
На одбележувањето ќе бидат прочитани пораките од генерален директор на УНЕСКО Ирина Бокова и од професорот Иван Џепароски.
Бокова во својата порака се осврнува на проблемите со хендикепираните лица и нивната инклузија, нагласува дека книгите имаат моќ да ја пренесуваат нашата визија за општество засновано на инклузивно знаење, плуралистичко, праведно и отворено за учество на сите граѓани.
- Се вели дека хуманоста на едно општество се мери со степенот на грижата кон најранливите категории. Ако тоа се однесува за достапноста на книгите за лицата со оштетен вид, на оние со потешкотии во учењето или пак на оние со физички пречки, од различни причини, ќе се соочиме со фактот што слободно може да се нарече „глад за книгите“, истакнува Бокова.
Таа во пораката забележува дека Конвенцијата на Обединетите нации за правата на хендикепираните лица и целите за одржлив развој, бележат промени на парадигмата во признавањето на правото на хендикепираните лица за достап до книгите, до знаењето и до културниот живот, со ист третман каков што го имаат и другите луѓе.
Во македонската порака, Џепароски овогодинешното одбележување на денот на книгата го посветува на познатиот италијански, како што вели, теоретичарот на културата и култниот автор на постмодернистичкиот книжевен бестселер „Името на розата“, славниот Умберто Еко. Џепаровски се потсетува на едно предавање на Еко во Bibliotheca Alexandrina во прочуеното египетско пристаниште Александрија на кое тој говори за растителната и минералната меморија како иднината на книгите.
- Иако во предавањето фигурираат два вида меморија поврзани со иднината на книгите, сепак, суштинската идеја на Ековиот пристап е дека постојат три вида на помнење: првото е органското, она што го претставува памтењето создадено и оформено од нашето тело и од крвта, а е раководено од нашиот мозок, второто е минералното памтење, при што постојат два вида на минерална меморија: едниот, што постои уште од пред повеќе милениуми, а тоа е сеќавањето што се врзува за глинените плочки и за натписите на колосалните обелисци и другиот вид на минерално сеќавање е она врзано за електронската меморија на денешните компјутери, засновано на „песокот“ од силиконската долина, истакнува Џепаровски.
Според него Еко во своето предавање најмногу внимание му посветува на третиот вид на меморија, оној врзан за растителното памтење и заснован на записите врз папирусите, а потем и врз книгите направени од хартија, испишани рачно или отпечатени од Гутемберговата преса.
Во Универзитетската библиотека покрај пораките ќе се чита поезија од Блаже Конески преведена на шпански јазик, ќе се одржи изложба на преведени книги од македонската книжевност на странски јазици во издание на странски издавачи....



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Слушнал Мујо дека тестисите од мајмун се многу скапи,
па му рекол на Хасо :Ај да уловиме некој мајмун и да
му ги продадеме тестисите? Се согласиле, набавиле пушка
и ловечко...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Сообраќајот на државните патишта се одвива по суви коловози. Денеска поради штрајк на грчката царинска служба, сообраќајот на ГП „Дојран“ ќе биде во прекин во времето од 5 до 23...
Верски календар
апостол Тома. Свети апостол Тома е познат меѓу народот по неговото неверување, но на малку луѓе им е јасно дека се работи за сомнеж во воскреснатиот Христос како Спасител. Во...
На денешен ден
1216.- Умре англискиот крал Џон Без Земја,...
1735.- Роден е Џон Адамс, втор по ред...
1745.- Во Даблин умре Џонатан Свивт, најголем...
1812.- Францускиот цар Наполеон I нареди...