Далматински деликатеси во „Јавна соба“Скопје, 24 април 2017 (МИА) - Во Центарот за дизајн и иновации „Јавна соба“ во Скопје денеска ќе биде претставена далматинската кујна. „Вкусот на Далмација“ е уште една програмска активност во рамки на програмата „Вкусот на Скопје“ која „Јавна соба“ ја спроведува во соработка со гости готвачи и има за цел да креира вистински вредности во гастрономијата и добро конзумирање храна во Македонија. Храната ќе ја подготвуваат готвачите од Задар, Игор Чупахин и Марцел Шкарица по традиционални рецепти наследени од нивните мајки и баби, а надградени со сосови и зачини. Подготвено е типично приморско мени кое е зачинето со континентални намирници за да се избалансираат вкусовите и да се доживее Далмација.
|