ДОМ: Ревизија и на рудниците во Валандово и СтрумичкоСкопје, 24 април 2017 (МИА) - ДОМ соопшти дека по референдумот во Гевгелија на кој граѓаните се изјаснија против изградба на рудник на Кожуф, морална обврска е и на други институции на локално и национално ниво да направат ревизија на досегашните планови за развој на рударство во овој крај. - Ова е сериозна обврска за државата во целост да направи ревизија на долгорочните стратегии за економски развој, во кои треба да се отстранат загадувачките индустрии или да се прилагодат еколошки кон стандардите за здраво живеење. Треба да се подложат на ревизија студиите за оценка на влијание врз животната средина за отворање рудник за бакар Казандол, валандовско, како и рудник за злато Иловица, струмичко, се вели во соопштението од ДОМ. Додаваат дека државата мора максимално да се посвети и да вложи во зелена економија и чисти технологии, кои, како што потенцираат, ќе отворат илјадници нови зелени работни места. - Органско производство, туризам, онбовливи енергии, енергетска ефикасност, третман на отпадот, обезбедување чист воздух, води и почви, како и паметни технологии, тоа е здравата иднина на Македонија, истакнуваат од ДОМ.
|