СДСМ: Нови избори ќе нема, ќе има нова влада

СДСМ попладнево преку соопштение истакнува дека нови парламентарни избори нема да има и оти ќе биде избран нов претседател на Собранието кој ќе отвори пат за избор на новата влада.
- Тоа е волјата на 700.000 граѓани преточена во новото парламентарно мнозинство составено од 67 пратеници, наведува СДСМ, додавајќи дека предвремените избори му се потребни само на лидерот на ВМРО-ДПМНЕ, Никола Груевски за да ја продолжи политичката криза преку која бара спас од одговорноста за направениот криминал.
СДСМ наведува дека не постои никаква платформа туку има програма на новата реформска влада и во неа нема промена на химната, знамето, грбот, банкнотите, името, ниту штети врз македонскиот јазик како службен јазик во Република Македонија.
- Еве ја содржината на Програмата, јавно достапна http://sdsm.org.mk/News.aspx?idNews=7681&lng=1. Предврмените избори му се потребни единствено на Груевски, за да ја продолжи политичката криза преку што гледа спас од одговорноста за народниот грабеж. Нема да има нови избори. Ќе има нови вработувања, за 100 пати поголема државна поддршка за домашните фирми, реални странски инвестиции, живот за сите, правда, единство, стабилност, евро-атлантска иднина на Македонија што ќе ги обезбеди новата реформска влада на граѓаните на унитарна Македонија, стои во соопштението на СДСМ. бак/са/15:31
###

Предврмените избори му се потребни единствено на Груевски, за да ја продолжи политичката криза преку што гледа спас од одговорноста за народниот грабеж. Нема да има нови избори.
Ќе има нови вработувања, за 100 пати поголема државна поддршка за домашните фирми, реални странски инвестиции, живот за сите, правда, единство, стабилност, евро-атлантска иднина на Македонија што ќе ги обезбеди новата реформска Влада на граѓаните на унитарна Македонија.
Груевски мора да престане да го уценува трансферот на власта со насилие и да ја прифати реалноста. ВМРО-ДПМНЕ е опозиција.