Скопје, 16 јули 2017 (МИА) - Три трафики и три возила се опожарени ноќеска во Скопје, соопшти полицијата.
- Ноќеска околу 01:00 часот на улица „Ферид Бајрам“ во Скопје, спроти основното училиште „Панајот Гиновски“ настанал пожар при што биле зафатени три трафики чии сопственици не се познати и три возила. Се работи за товарно моторно возило „Ивеко“ со скопски регистарски ознаки, товарно моторно возило „Форд Транзит“ со скопски регистарски ознаки, сопственост на лицето Д.С. и патничко возило „Опел Корса“ со странски регистарски ознаки сопственост на лицето Љ.С, соопшти МВР.
Пожарот е локализиран, а увид како што информираат од МВР, ќе се врши во текот на денов.