Опрема за Единицата за одговор при катастрофи на Црвен крст Велес

Велес, 22 август 2017 (МИА) - Во просториите на општинскиот Црвен крст во Велес денеска од Ротари клубот беше предадена опрема за Единицата за одговор при катастрофи на Општинскиот Црвен крст Велес.

Секретарот на ООЦК Велес Миле Маџаров, информира дека набавена е даска за пренос на повредени и друга придружна опрема како и униформи за целиот тим од 16 нови членови на оваа Единица за делување при катастрофи.

Претседател на ООЦК Велес Милчо Трајков потсети дека оваа набавка е дел од заедничкиот проект на Општинскиот Црвен крст и Ротари клубот од Велес, а која се реализира од мај-јули 2017 година, насловен „Обука и опремување на единицата за одговор при катастрофи на ООЦК Велес“.

- Во рамките на проектот беа спроведени повеќе обуки на членовите на тимовите на Единицата и беше изведена завршна активност на која беше извршена проверка на стекнатите знаења и вештини. Во рамки на проектот, од страна на Ротари клубот од Велес, набавена е опремата за Тимот за укажување прва помош и униформите за членовите на Единицата, изјави Трајков.