Францускиот кинематографер Пјер Лом пристигна во МакедонијаСкопје, 21 септември 2017 (МИА) - Францускиот кинематографер Пјер Лом, лауреат на Златна камера 300 за животно дело на годинешното 38-то издание на Интернационалниот фестивал на филмска камера „Браќа Манаки“, пристигна во Македонија. Лом денеска, по краток престој во Скопје заедно со својата сопруга Рене, ќе замине во Битола, каде на свеченото отварање на фестивалот ќе му биде врачена наградата Златна камера 300 за животно дело.
Францускиот кинематографер во Македонија е на поканата на директорот на фестивалот Благоја Куновски Доре. - Среќен сум што дојдов во Македонија секогаш е добро кога ќе се посети нова земја, рече Лом веднаш по пристигнувањето на скопскиот аеродром.
Пјер Лом е легенда на француската и европската кинематографија. Има работено со американскиот режисер Џејмс Ајвори, со кого има снимено четири, многу важни филмови за неговото творештво.
|