Министерството за правда достави барање до надлежниот суд за подготовка на документите за екстрадиција

Скопје, 20 октомври 2017 (МИА) - Министерството за правда попладнево соопшти дека доставило барање до надлежниот суд во Скопје за подготовка на целокупната документација за екстрадиција на Горан Грујевски и Никола Бошкоски, откако е добиено официјално писмо од Централни полициски служби на МВР.
- Надлежниот суд е упатен на одредбите од Законот за меѓународна соработка во кривичната материја, Конвенцијата помеѓу Федеративна Народна Република Југославија и Кралството Грција за взаемни правни односи од 1959 година преземена како републички пропис со чл.5 од Уставниот закон за спроведување на Уставот на Република Македонија и Европската Конвенција за екстрадиција со дополнителни протоколи, се наведува во соопштението од Министерството за правда.
Оттаму посочуваат дека во конкретниот случај постапуваат согласно законските одредби од домашната регулатива и наведените конвенции.