Поранешниот премиер и лидер на ВМРО-ДПМНЕ Никола Груевски денеска неколку часа беше во просториите на Специјалното јавно обвинителство во Скопје, каде беше викнат во својство на сведок во нова предистражна постапка.
По распитот, специјалната обвинителка Катица Јанева истакна дека станува збор за новоотворен предмет за финансиска истрага за земена провизија за електрична енергија, што е отворен по извршено вештачење на два телефонски разговори, што во континуитет се водат од едно лице.
Предистражната постапка, во која Груевски е повикан како сведок, според Јанева, имала сличности со финансиските истраги што веќе се водат пред СЈО.