Во сообраќајна несреќа што се случила вчера околу 14:15 часот на локалниот пат за село Долна Бела Црква - Ресен повредени се три лица, од кои две деца.
Како што е наведено во полицискиот билтен, сообраќајката се случила помеѓу патичко возило „Мерцедес“ со охридски регистарски ознаки, управувано од Џ.М. (46) од село Јанковец, ресенско и патничко возило „Југо“ со охридски регистарски ознаки, управувано од Б.Т. (62) од Ресен.
Тешки телесни повреди добиле возачот Б.Т., осумгодишно момче и двегодишно девојче.Сите тројца биле задржани на лекување во Клиничката болница Битола.
Увид на местото на настанот извршила екипа од Надворешната канцеларија за криминалистички работи од Ресен.